荣斯's profile我们快乐地生活在一起PhotosBlogListsMore  |  Tools Help |
|
我们快乐地生活在一起April 27 主打专栏：人间词话好啦好啦，怕左你地啦，的起心肝写专栏啦......写咩好呢？以前年少气盛o既时候，自认系林夕首席非官方高徒，宜家老饼左啦，呢个观点始终无变！好，就写自己最中意o既野啦！师父o噶作品，Wyman噶作品，霑叔噶，沾叔噶，郑国江噶，周耀辉噶，方文山噶，方杰噶，陈少琪噶，仲有我好敬重o既向雪怀伯伯噶，哗，挂一漏万啦，总之有咁多精品俾本王子做读后感，真系未出发，先兴奋吖，咔咔！开工
“摘去鲜花，然后种出大厦，层层叠的进化，摩天都市大放烟花。耀眼烟花，随着记忆落下，繁华像幅广告画，蝴蝶梦里醒来，记不起对花蕊的牵挂”－－如果话歌词o既前半段仲系一个环保故事o既话，我宁愿相信后面o既古仔，已经蜕变成一个政治寓言。梦里不知身是客？又或者只系杞人忧天，无病呻吟？呢个推测本身，已经足够有趣........
“如果你太累，及时地道别没有罪，牵手来，空手去，便去。”－－此之所谓，一语成谶。我们千万别学。
“回头望，伴你走，从来未曾幸福过。赴过汤，蹈过火，沿途为何没爱河？”－－一个人蠢，或者两个人自私咯。与人无尤。
“你带着他唯一写过的情书，想证明当初爱的并不糊涂，他曾为了你的逃离颓废痛苦，也为了破镜重圆抱着你哭”－－爱到要稳证据，就已经永失我爱！
“风吹草动，命途乱了我不乱”－－师父o既大手笔。但据说刘德华写o既版本系“兵荒马乱，敌人乱了我不乱”，佢唔要做华弟，要做带头大哥，但可惜，一唔小心，仲系漏左底....... March 14 关于电影的1.系，你地系黑帮片o既滥觞，你地有《疤面煞星》，有《Goodfellas》，有《教父》系列，但作为一个或者一班华语电影养大o既死忠影迷，我地引以为傲o既系《古惑仔》，系《暗花》，系《无间道》，系《黑社会》！只系因为有共鸣！
2.哦？同荷里活死过，所以要斗特技？所以就要拍《英雄》《十面埋伏》《无极》？咁姐系话，赢特技你就赢荷里活啦！唔好话你赢唔到，赢到又点？《LOST》可以用一个鲁素镜像原理就展开一个咁庞大o既故事，《24》可以系短短一日入面就填充入咁丰富曲折o既剧情，呢度入面涉及o既根本就系一个想象力o既问题！电脑特技系一个手段，镜头运用系一个手段，情节设计系一个手段，所有呢一切都只系你作为导演演绎你作品o既一个手段。个道理就等如，可以攞个桶装水，攞个盆装水，攞个樽壳水，攞个杯装水，明明只需要一壳水就可以淋花，点解偏偏要攞个桶？浪费桶，浪费水，浪费花！达伦天奴讲过：“无论如何，将部电影拍得好玩先算！”如果你地觉得将电影拍得无端晦涩，空洞，夸张同埋失真就系复兴华语电影o既话，问下你地以前o既自己，问下杜琪峰老师点拍戏！
未完待续...... January 25 小王子的胡言乱语21.石坚叔话－－够姜揸枝枪去抢！我话－－够姜揸枝咪去唱！
2.拿，千其唔好以为“遗臭万年”系一个贬义词吖，其实呢个已经系对反派从业员o既最高褒奖.......
3.大个想做导演o既细路一定唔会睇唔开做傻事，点解？因为佢地相信，就算部电影排唔到期上，唔收得，俾影评人唱，个导演都唔会选择destroy晒o的copy噶喔......
4.如果俾睇完《金刚》o既女人拣，佢地一定会话金庸小说o既最佳男主角系萧峰，中国历史上最伟大o既男人系项羽，因为金刚＝项羽＋萧峰，佢系外族，佢刚复自用，佢地用情太深......
5.回应上期读者，唔好逼我定期写啦，打个比方啦：你估下杜琪峰derect连续剧会唔会撼得赢《武林外传》？咪就系咯！
累...... January 23 小王子的胡言乱语11.“说穿了我不美.......信我”－－如果呢个都系卖点之一，真神人也......
2.童话之所以美，系因为无续集.......
3.咩叫好演技？咪就系“一只好似狗o既蟹系度扮紧茶壶”咯.......
4.拿拿拿，唔好话俾我听你无拖拍好闷吖，我唔Q睬你噶！（靓靓o既女仔除外，呵呵）
5.忧郁o既沟唔到女赖自己无幽默感，幽默o既沟唔到女赖自己唔够忧郁－－咁两样沟埋啦。。。。“哗，妖怪吖！”
今日写住咁多先，训觉...... |
||||
|
|
